Duket se dimri nuk paska fund teksa muaji pranveror i prillit ka ardhur me ulje temperaturash, shtrëngata dhe madje dhe reshje bore, sipas parashikimit të Shërbimit Meteorologjik Ushtarak.
Ja parashikimi sipas SHMU
Në alpe e verilindje nisin reshjet e dëborës e që prej orëve të mesnatës do të jenë të dendura në këto zona. Me rënien e ndjeshme të temperaturave gjatë ditës reshjet e dëborës do të përfshijnë pjesën më të madhe të rajonit verior deri në lartësi fushore sikundër shihet në hartë. Në lindje e juglindje reshjet e dëborës nisin prej orëve të paradites deri në lartësitë 500-600 metër me intensitet deri mesatar.
Era veriperëndimore do të fryjë hera herës e fortë, kryesisht në bregdet, zonat e ulëta e lugina. Valëzimi në dete i forcës 4 dhe 5 ballë.
E gjithë kjo situatë nuk do të zgjasë gjatë, pasi në mbrëmje reshjet e shiut e dëborës ndërpriten, për ti lënë vendin kthjellimeve.