Mjeku Gjergji Gjata është kandidati i parë që konfirmon pjesëmarrjen e tij në garën për primaret e Partisë Demokratike për Bashkinë e Korçës.
Ai është i pari që ka shpallur kandidaturën për qenë kandidati i opozitës në zgjedhjet vendore të 14 majit për këtë bashki.
Ndërkohë, Albana Vokshi zyrtarizoi sot emrat e kandidatëve të vetëshpallur në primaret e Partisë Demokratike për Bashkinë e Tiranës. Në një deklaratë për mediat ajo lexoi emrat e kandidatëve, të cilët janë: Adriana Kalaja, Belind Kelliçi, Enkelejda Fejzo, Fatmir Merkoci, Gerti Bogdani, Ilir Alimehmeti, Julian Deda.