Publikimi i listave të mbyllura të PD-së po shkaktojnë një revoltë në degët. Pas Kavajës, edhe PD e Divjakës është shprehur e pakënaqur me vendimet që i mori sonte Kryesia e madhe në selinë blu në Tiranë. Demokratët e zonës së Divjakës kanë shprehur pakënaqësinë pasi në listë nuk është përfshirë emri i kandidates Elisabeta Rredhi, që u vlerësua në primaret e këtij qarku me votën e 492 anëtarëve.
”Fituesja e primareve e vendit të parë nga zonjat me 492 vota në Qarkun Fier dhe e treta në Republikë.
Me një mbështetje elektorale dhe kontribut nuk përzgjidhet nga kryesia në listën e sigurtë, por i ofrohet vendi në listën e hapur. Zonja në fjalë ka kontribuar dy herë si kandidate në vitin 2017 dhe 2021.
Dega Divjakë ka marrë rezultate të rëndësishme në çdo palë zgjedhje dhe është një ndër degët më të mira të Qarkut Fier, mbështetëse në të gjitha aksionet opozitare në këto 12 vjet”.