Andrra Destani, bashkëshortja e Sinan Hoxhës është shtatzënë për herë të dytë. Pavarësisht se lajmi ishte bërë publik në media prej kohësh, ata e mohuan fillimisht, duke dashur që ta mbajnë të fshehtë muajt e parë. Ndërkohë ishte vetë Andrra ajo që dha lajmin e shtatzënisë së dytë përmes disa fotove shumë të ëmbla në rrjete sociale. Përveç kësaj ajo zbuloi se është sërish në pritje të një djali, që do të thotë se Ansi do të bëhet me vëlla.
“Kete fundvit, esenca e atmosferes festive ne familjen tone eshte pohimi i lutjeve te Ansit! Falenderuese pafund Zotit, per dhuraten me te bukur te Ansit, nje vella… Nje perkedhelje e embel per Ansin po vjen…”, shkroi Andrra.
Andrra është në muajin e tetë të shtatzënisë dhe vogëlushi pritet të vijë në jetë nga muaji mars. Ditën e sotme ajo ka bërë një eko 3D, që zbulon fare qartë portretin e fëmijës. Andrra duket se është emocionuar shumë nga ky moment dhe menjëherë e ka ndarë me ndjekësit e saj në rrjete sociale.
“Mezi pres të të takoj”, ka shkruar Andrra përkrah fotos së ekos 3D.
Kujtojmë se djali i parë i Andrrës dhe Sinanit ka lindur në maj të 2016-tës dhe këtë vit do të festojë 5-vjetorin si vëlla i madh.