Kreu i bashkisë Vlorë, Ermal Dredha flet për problematikën për furnizim me ujë të pijshëm në qytetin bregdetar. ”Jemi në unison me Ujësjellësin, në mënyrë që të ecim përpara. Po përpiqemi ta zgjidhim sa më shpejt këtë problematikë, ka rënë në një moment energjia elektrike, pastaj ka ndikuar te pompa e ujit. Po punojmë me ritëm të madh, shpresoj të kalojë sa më shpejt kjo situatë”, tha Dredha.
Po sa mund të zgjasë kjo situatë?
Kemi qenë në komunikim të vazhdueshëm me Ujësjellin, ka pasur problematikë këto 3,4 ditët e fundit dhe realisht ka pasur shqetësim në komunitet, se normalisht uji është jetë. Kemi qenë të gjithë të shqetësuar, edhe ne si bashki jemi munduar të mbështesim Ujësjellësin e Vlorës për t’i dhënë fund kësaj avarie.
Në fakt, deri në orët e vona, ka qenë drejtori i Ujësjellësit bashkë me ekipin e vet, me ekspertë, inxhinierë hidrikë, për të evidentuar problematikën reale.
Depoja e re, në të cilën është bërë një investim para pak vitesh, para dy javësh është vënë në punë. Ka zona periferike që ka hasur vështirësi në shkuarjen e ujit, sepse normalisht kur vendosen tuba të reja, praktikisht marrin edhe ajër, derisa të zhbllokohet e gjitha ajo, ka këto lloj problemesh.