Pas Aldo Bares unë jam i dyti që kam këtë akuzë, tha ish ministri i Brendshëm Saimir Tahiri teksa bëri të ditur për mediat edhe akuzat që kishte ngritur prokuroria.
“Trafik droge”, “Krijim t grupit të strukturuar kriminal”, “vepra penale në kuadër të grupit të strukturuar kriminal”, janë akuzat që iu komunikuan Tahirit.
Ai e quajti një proces të turpshëm, politik, nga fillimi e deri në fund të komanduar. I pyetur nga gazetarët se nga kush është e komanduar prokuroria përgjigja e tij ishte kjo: Prokuroria e komanduar siç e nisi ashtu e bitisi këtë histori. Kjo historia ime lindi si një proces politik dhe kur them i komanduar kam parasysh politikën, krimin dhe drejtësinë, që janë aq bashkë saç është dhe Ati, Biri dhe Shpirti i Shenjtë, kështu që nuk janë ndarë ende dhe unë po e shoh, tha Tahiri.
Pavarësisht nxitjes që kam nga brenda, vijoi ish ministri i Brendshëm për tu marrë me këtë histori, “nuk dua të merrem me drejtësinë, do e respektoj deri në fund për sa kohë jam në këtë situatë. Komenti im është do vazhdoj ti shkoj drejtësisë deri në fund dhe duke besuar'”.
I pyetur më tej nëse kishte shantazhe për politikën, siç është folur në media, Tahiri ka thënë se Shqipërisë i “mjafton çanta e Baba Takut”.