Autoriteti Portual Durrës ka nisur punimet sot në 8 prill në Portën nr. 4, pranë Urës së Dajlanit, si pjesë e projektit strategjik “Marina dhe Jahtet e Durrësit”.
Ndërhyrjet përfshijnë testimin dhe rikonceptimin e portës, si dhe rikualifikimin e saj në një lokacion të ri. Gjithashtu, do të rehabilitohet aksi rrugor i dëmtuar pranë hyrjes. Për shkak të punimeve, nga 6 korsitë ekzistuese, aktualisht do të jenë në funksion vetëm 3. Kjo mund të shkaktojë vonesa të përkohshme për përdoruesit e portit.
Hyrja nr. 2 mbetet plotësisht funksionale dhe e gatshme për automjetet e vogla. Autoriteti Portual Durrës kërkon mirëkuptimin e përdoruesve për çdo shqetësim të shkaktuar.Punimet janë pjesë e fazës së parë të zhvillimit infrastrukturor të portit.
NJOFTIM I RËNDËSISHËM PËR PËRDORUESIT E PORTIT TË DURRËSIT
Autoriteti Portual Durrës njofton përdoruesit e Portit të Durrësit se në vijim të zbatimit të projektit strategjik “Marina dhe Jahtet e Durrësit”, kanë nisur ndërhyrjet për testimin dhe rikonceptimin e Portës nr. 4 (Ura e Dajlanit).
Këto ndërhyrje janë pjesë e fazës së parë të zhvillimit infrastrukturor dhe përfshijnë gjithashtu rehabilitimin e aksit rrugor të dëmtuar, si dhe rikualifikimin e portës në një lokacion të ri.
Për shkak të punimeve, aktualisht do të jetë i mundur përdorimi i vetëm 3 korsive nga 6 korsitë ekzistuese në këtë hyrje-dalje.
Ndërkohë, Hyrja nr. 2 vijon të jetë plotësisht funksionale dhe në eficiencë të plotë për hyrje-daljet e automjeteve të vogla.
Autoriteti Portual Durrës kërkon mirëkuptimin e të gjithë përdoruesve të hapësirës portuale për çdo shqetësim të përkohshëm të shkaktuar nga këto punime.