Projektligjin e Partisë Socialiste për ish-bashkëpunëtorët e Sigurimit të Shtetit, Sali Berisha e quan si ligj anti-Meta që bazohet në shpifje. Ndër të tjera, Berisha thekson se PD-ja është e gatshme që ta kthejë ligjin e lustracionit.
“PD-ja gjatë periudhave të saj në pushtet ka miratuar 2 ligje për lustracionin. Në praktikën botërore dhe europiane, ligjet e dekriminalizimit janë tjetër, të lustracionit janë tjetër. Me lustracionin, PD përjashtonte nga funksionet publike të gjithë bashkëpunëtorë, agjentë dhe informatorë të Sigurimit të Shtetit. Ky ligj është vënë në zbatim në vitin 1996 dhe është kopje e plotë e ligjit të miratuar në çekosllovakinë e asaj kohe dhe u amendua nga socialistët në pushtet duke hequr komponentin lustracion”.