Në seancën për caktimin e masës së sigurisë, për Arsen (Hamza) Muskurtin, prokurori Dritan Nushi i cili po heton vrasjen e dyfishtë, tha se autori është vetëdorëzuar.
Në këtë mënyrë ai hodhi poshtë deklaratën krenare të ministrit të Brendshëm, Bledi Çuçi i cili përgëzoi policinë për kapjen e autorit të vrasjes së dyfishtë që tronditi Tiranën.
Gjykata e Tiranës vendosi masën e sigurisë “arrest me burg” për Muskurtin. Autori i ngjarjes së rëndë u shfaq i qetë dhe me lot në sy. Disa herë madje ai përshëndeti dhe mediat. Avokati i tij Suad Idrizi foli për klientin pasi vetë Muskurti i pyetur nga gjyqtari kishte zgjedhur të mos përgjigjej.