Prokuroria e Tiranës ka lëshuar urdhër arresti për Agim Kajmakun ish-kryebashkiakun e Vorës të shkarkuar nga Komisioni Qendror i Zgjedhjeve pas deklarimit të rreme në formularin e vetëdeklarimit. Forcat e Policisë, pasi kanë shkuar në banesën Kajmakut për të arrestuar ish-kryebashkiakun që e kap ligji i dekriminalizimit, ai nuk është gjendur në banesën e tij.
NJOFTIMI:
“Prokuroria prane Gjykates se Shkalles se Pare Tirane, ka shpallur ne kekrim me mase sigurimi “arrest me burg”, ne lidhje me hetimin qe po zhvillohet ne ngarkim te shtetasit Agim Kajmaku, i dyshuar per kryerjen e veprave penale, te “Shperdorimit te detyres”, “‘Falsifikimi i formulareve” dhe ushtirmi i funksioneve pas dhenies fund te detyres”, parashikuar nga nenet 248, 190 dhe 249 te Kodit Penal. Kjo mase sigurimi ehste derguar per ekzekutim ne polici.”
-Kujtojmë se 10 ditë më parë, (1 nëntor) pasi Prokuroria konfirmoi akuzat e ngritura ndaj Kajmakut nga PD, e cila denoncoi se kandidati fitues i socialistëve në zgjedhjet vendore e qershorit, kishte llogari të hapura me drejtësinë greke, Komisioni Qendror i Zgjedhjeve vendosi shkarkimin nga detyra të kryebashkiakut të Vorës, Agim Kajmaku. Vendimi u morr nga KQZ-ja në formë unanime, me 5 vota pro.
Prej dy muajsh, PD-ja e ka akuzuar Kajmakun për “llogari të hapura” me drejtësinë greke. Ndërkohë, përkundër pretendimit të ngritur nga PD-ja, Kajmaku ka deklaruar për mediat se nuk është dënuar dhe as është dëbuar ndonjëherë nga shteti grek dhe sipas tij, këto akuza kanë sfond politik. Kajmaku është shprehur se emrin e ka ndryshuar si “një pjesë e mirë e shqiptarëve”, për t’iu dhënë mundësia e qendrimit në shtetin fqinj.