Sipas Spiegel, bar-lokali kult në Berlin u ka ndaluar hyrjen disa politikanëve të mëdhenj si: kancelares gjermane, Angela Merkel, ministrit të Financave, Olaf Scholz dhe politikanëve të tjerë kryesor për shkak të mbylljes së paralajmëruar të të gjitha ambienteve hotelierike.
Pronarët e lokalit, Jon Peter Brinkmann dhe Jan Philipp Bubinger e kanë bërë punlike këtë lajm përmes rrjetit të tyre social, Facebook, duke e konsideruar kancelaren dhe bashkëpunëtorët e saj përgjegjës për futjen e masave shtrënguese që synojnë frenimin e përhapjes së koronavirusit.
“Disa nga këta politikanë kanë vendosur të mbyllin përsëri restorantet dhe të na ndalojnë të punojmë. Ne po i rendisim në listën e zezë menjëherë. Ne nuk do të jemi të lumtur t’i shërbejmë kancelares Angela Merkel, Ministrit të Financave Olaf Scholz, kryeministrit bavarez, Markus Soder, Kryetarit të Berlinit, Michael Müuler”- janë shprehur ata.