Këtë të premte, Ministrja e Brendshme e Italisë, Luciana Lamorgese dha një intervistë për “Corriere della Sera” ku deklaroi se të gjithë refugjatët ukrainas që do të mirëpresë vendi i saj do të strehoheshin në 283 prona që shteti italian i ka sekuestruar organizatave kriminale.
Ndër të tjera, Lamorgese deklaroi se plot 28,000 refugjatë ukrainas kishin mbërritur deri më tani në Itali, ku shumica prej tyre ishin gra dhe fëmijë. Refugjatët do të kenë gjithashtu askese në kujdesin shëndetësor, fëmijët do të kenë mundësi të shkollohen dhe të rriturit do të lejohen të punojnë.
Mes fëmijëve që kanë mbërritur në Itali është edhe Sofia e cila mbeti jetime pasi motra e saj, Polina dhe prindërit u vranë nga forcat ruse ndërsa i vëllai i vdiq në spital.
“Sofia është shtruar në spitalin ‘San Raffaele’ të Romës në gjendje të rëndë”, raportuan mjekët.
Ndërkohë, në Itali ndodhet edhe gjyshja e saj.