Ministri i Bujqësisë Blendi Cuci deklaroi sot se kërkesa e blektorëve për subvecionimin e qumështit ka marrë zgjidhje nga Këshilli i Ministrave. Ai theksoi se do të ketë kompensim në vlerën 100 lekë të vjetra për cdo litër. Aplikimet do të fillojnë me 22 prill pranë agropikave në cdo rajon të vendit.
Postimi i ministrit:
Sot morëm një vendim të rëndësishëm. Qeveria vendosi të japë një financim të dedikuar për fermerët që prodhojnë dhe shesin qumësht. Ata do të përfitojnë një kompensim në vlerën 100 lekë të vjetra për çdo litër qumështi të shitur. Për të përfituar kompensimin, fermerëve u mjafton vetëm fatura tatimore dhe nuk ka kufizim për numrin e krerëve që zotërojnë. Aplikimet do të fillojnë prej datës 22 prill pranë Agropikave dhe zyrave të bujqësisë në qarqe. Aplikimet nuk kanë asnjë kosto për fermerët. Vendimi i sotëm vjen në kohën e duhur dhe është dukshëm më i favorshëm për fermerët sesa skema e parë e rimbursimit të TVSH-së 20%.