Mjekët kanë protestuar sërish mëngjesin e të martës, pas asaj të një dite më parë të mjekëve specializantë kundër dhunës ndaj bluzave të bardha. Mjeku i njohur Tritan Kalo ka kërkuar reflektim të shoqërisë, pasi sipas tij dhuna është bërë një formë e zakonshme në shoqërinë e sotme. Vaksina për dhunën nuk ka thotë Kalo, por gjendet duke shëndoshur mjedisin social.
“Vaskinë nuk ka, po gjindet duke shëndoshur mjedisin social. Sepse reflektimi i mjedisit të sëmurë pasqyrohet në dhunën që ushtrohet. Nëse shoqëria vuan nga problemet sociale, ne bluzat e bardha konsiderohemi si target më i lehtë për t’u atakuar e pë të shkarkuar problemet e ditës. Populli duhet ta ketë të qartë: nuk janë mjekët që krijojnë problemet, po ato që lidhen me politikat lart. Ne jemi këtu për t’i shërbyer njerëzve”, tha Kalo.
Edhe zv.ministrja e Shëndetësia Mira Rakacolli përsëriti se do të ketë ndryshime në Kodin Penal, për ashpërsim të masave për ata që dhunojnë mjekët.