Partia Demokratike ka vendosur të bllokojë të martën 6 akset kryesore rrugore në të gjithë vendin
Në mbrëmje PD ka zhvilluar një mbledhje me drejtuesit politikë të qarqeve dhe kryetaret e degëve ku është vendosur se në 29 tetor demokratët do të bllokojnë në shenjë proteste rrugët kryesore.
Demokratët do të mblidhen në Milot, në Shkozet, në zonën e Bradasheshit, në Rrogozhinë, Levan dhe tek Casa Italia në Tiranë për të bllokuar autostradën Tiranë-Durrës.
Bllokimi i ketyre akseve rrugore do të nisë në orën 17.00 të së martes dhe pritet të zgjasë disa orë. Kjo është protesta e dytë që opozita zhvillon pas asaj të 7 tetorit.