Në prag të zgjedhjeve të 30 qershorit por edhe të protestave që po organizohen nga opozita në Tiranë, pothuajse të gjitha bashkitë e djathta kanë filluar që të tenderojnë blerje karburanti.
Kësaj nuk mund t’i shpëtonte as Bashkia e Matit e cila drejtohet nga të djathtët. Në dokumentet e siguruara nga tirananews.al rezulton se në kulmin e protestave të opozitës ku pothuajse çdo 10 ditë vijnë protestues në Tiranë nga rrethet dhe vetëm 2 muaj larg datës së zgjedhjeve, kryebashkiaku Nezir Rizvani ka firmosur procedurat për blerje të 83 mln lekëve karburant.
Ajo që bie në sy është se vetëm 616 667 leke pa tvsh janë nga te ardhurat, ndërsa 7 723 559 lekë pa tvsh janë nga granti.
Edhe pse fondet e marra nga grantet mund të përdoreshin për një shkollë apo kopsht, duket se kryebashkiaku ka zgjedhur që t’i përdorë për transport.