Qindra e mijëra qytetarë të Malit të Zi, mbajtën një protestë kundër nismës rajonale ”Open Balkan”, ku janë Serbia, Shqipëria dhe Maqedonia e Veriut.
Kryeministri ende në detyrë i Malit të Zi, Dritan Abazoviç gjatë një vizite në Bukuresht ku po merr pjesë në takimin dyditor të ministrave të Jashtëm të NATO-s, tha se nismat e “Ballkanit të Hapur” dhe “Procesit të Berlinit” nuk e pengonin njëra tjetrën, por përkundrazi vepronin si një konkurrencë e shëndetshme.
“Unë personalisht mbështes të gjitha format e bashkëpunimit rajonal, çdo gjë që kontribuon në një bashkëpunim më të madh, që jemi bashkë dhe jo në armiqësi, qoftë procesi i Berlinit apo Ballkani i Hapur. Kur bëhet fjalë për procesin e Berlinit, situata është paksa e kundërt. Ballkani i Hapur i dha vrull procesit të Berlinit, ka të bëjë me konkurrencë të shëndetshme”, tha Abazoviç.
