Nga oborri i Parlamentit, Sali Berisha deklaroi se populli opozitar do të vijë në momentin e caktuar në Kuvend, për t’i dhënë mesazh mazhorancës socialiste. Berisha paralajmëroi protestë në ditën kur do të mbahet Samiti i Bashkimit Europian në Tiranë.
“Në momentin e caktuar këtu do të vijë populli opozitar t’u thotë nja dy gjëra këtyre. Ato gjëra i di populli. Populli vjen këtu për të dhënë mesazh. Protesta nuk është vendosur akoma, do të vendoset brenda dy ditëve. Brenda këtij viti. Këtu zbret Europa, Europa duhet të shohë popullin e saj. Unë nuk caktova datë, por populli opozitar do të jetë këtu patjetër. Nuk ndërpritet më kjo”.
Këtë e foli edhe kreu i grupit parlamentar të PS-së, Taulant Balla, i cili tha në Kuvend se Sali Berisha ka planifikuar protestë në ditën e samitit të BE dhe Ballkanit Perëndimor në Tiranë, që do të mbahet më 6 dhjetor.