Partia Demokratike e grupit të Sali Berishës, proteston sot sërish para Parlamentit, ndërkohë që brenda në sallë do të zhvillohet seanca plenare. Megjithëse me një numër rekord deputetësh të përjashtuar, beteja edhe këtë të enjte do të vijojë brenda dhe jashtë Parlamentit.
Sali Berisha ka deklaruar se pa trajtuar çështjen McGonigal, nuk do të ketë shpëtim për Edi Ramën. Nga ana tjetër, Policia e Shtetit ka marrë masat për çdo zhvillim të protestës.
Nga ora 10:00, do të ketë kufizime të qarkullimit në rrugën “Xhorxh Bush” dhe pjesërisht në bulevardin “Zhan Dark” dhe kryqëzimi i rrugës së Elbasanit.