Protestuesit i kërkojnë dorëheqjen/ Presidenti: Është “e pamundur”, kush do ta sigurojë vazhdimësinë e pushtetit?
Presidenti libanez Michel Aoun është shprehur se do të ishte “e pamundur” që ai të hiqte dorë pavarësisht thirrjes së protestuesve që ai të linte detyrën për shpërthimin vdekjeprurës të katër gushtit në Bejrut.
Komente të tij vijnë pasi qeveria libaneze u tërhoq të hënën në mbrëmje, pas shpërthimit që vrau të paktën 200 njerëz dhe plagosi më shumë se 6000 të tjerë.
Teksa ka folur për mundësinë e dorëheqjes së tij, Aoun ka thënë në një intervistë për mediat franceze se: Kjo është e pamundur, sepse kjo do të çonte në një boshllëk udhëheqjes së vendit. Qeveria dha dorëheqjen. Le të imagjinojmë që unë do të jap dorëheqjen. Kush do të sigurojë vazhdimësinë e pushtetit? Nëse unë do të jap dorëheqjen, dikush do të duhet të organizojë zgjedhje menjëherë. Por situata aktuale në vend nuk lejon organizatat e zgjedhjeve të tilla.
Teksa është pyetur për për hetimin e shpërthimit tragjik në Bejrut, Aoun tha se nuk do të jetë në gjendje që hetimet të përfundojnë shumë shpejt.
Më tej ai shtoi se i ka kërkuar këshillit gjyqësor të mbikëqyrë hetimin dhe bëri thirrje për një “gjyqtar të pavarur” për të hetuar.
Shpërthimi masiv që goditi kryeqytetin e Libanit në 4 gusht dëmtoi pjesën më të madhe të qytetit dhe nxiti protesta të dhunshme kundër autoriteteve.