Gjatë kohës që kryeministri Edi Rama mban fjalën në Kuvend, protestuesit të shtyrë edhe nga thirrjet e ish-deputetëve të opozitës kanë tentuar të çajnë kordonin e policisë. Ata janë përplasur me efektivët për të kaluar perimetrin e sigurisë.
Deri më tani janë organizuar shtatë protesta nga opozita, ndër të cilat dy janë zhvilluar pëpara Kryeministrisë, ndërkohë që pesë të tjera përpara Kuvendit.
Në protestën e sotme mungon Lulzim Basha i cili ndodhet në Gjermani në takime me përfaqësues të CDU-së. Ish-kryeministri Sali Berisha nuk është parë në protestë. Mes turmës, vetëm Monika Kryermadhi, ish-deputetë të PD-së dhe disa aleatë të djathtë.