Kreu i PD-së Sali Berisha mbajti fjalën e tij në protestën e sotme kombëtare përpara kryeministrisë.
Berisha: Të dashur qytetare dhe qytetarë, demokrate dhe demokratë, të nderuar deputetë dhe aleatë të PD, opozitare dhe opozitarë, shqiptare dhe shqiptarë.
Sot ne mblidhemi këtu jo thjeshte si opozitë në këmbë kundër diktaturës me serialin më ë fuqishëm ë protestave dhe kryengritjeve, jo vetëm si alternativë e shkëlqyer politike, por mblidhemi këtu si shpresa e vetme për shpëtimin e Shqipërisë nga narko shteti i Edi Ramës i bazuar në krim, drogën dhe vjedhjen e shqiptarëve. Jemi shpresa e vetme për Shqipërinë është më e qartë për çdo shqiptarë, që duan që ky vend të dalë sa më parë nga kjo lëngatë e keqe që po e shkatërron trupin e saj. E provuan seriali i fuqishëm i protestave më gjigande që ka njohur Shqipëria. Protestën e fundit u përballëm në rrugën e sheshet e Tiranës si të pamposhtur duke provuar gazin lotsjellës, plumbat e gomës, por ne triumfuam.