PS dhe PD kanë rënë dakord të shtyjnë afatin e komisionit për reformën territoriale deri në fundin e muajit shtator.
Sipas planit të miratuar sot, komisioni parashikon që deri në fund të korrikut të zhvillohen dëgjesa me qytetarët.
Pas pushimeve të verës, në muajin shtator mazhoranca dhe opozita parashikojnë që të kenë gati propozimet në sa bashki duhet të ndahet vendi dhe ne 30 shtator është përllogaritur votimi i hartës së re.
Por reforma territoriale kërkon 84 vota për t’u miratuar dhe mazhoranca e opozita duhet te gjejnë gjuhën e përbashkët për numrin e bashkive ne vend; një proces qe duket se është i vështirë përsa kohë që socialistët besojnë se një numër i reduktuar i bashkive do te ishte më efektiv, ndërsa opozita mbështet të kundertën.