Kandidati i PS-së, Albert Halilaj del që të jetë kandidati fitues në zgjedhjet e parakohshme në Kukës, në zgjedhjet që u mbajtën këtë të dielë. Në një postim në facebook, Rama shkruan se kjo fitore me një avantazh të pakthyeshëm, ”flet qartë për besimin dhe për pritshmërinë e qytetarëve kuksianë ndaj nesh”. Fitorja e Hlilajt po tejkalon në shifra edhe atë të Gjicit më 14 Maj.
”Kur janë numëruar pak më shumë se gjysma e kutive të votimit, kandidati i Partisë Socialiste për Bashkinë e Kukësit ka një avantazh të pakthyeshëm prej thuajse 3000 votash, i cili do të thellohet ende deri në kurorëzimin e një fitoreje shembullore, që flet qartë për besimin dhe për pritshmërinë e qytetarëve kuksianë ndaj nesh, si edhe për detyrimin tonë të madh ndaj tyre, për të bërë shumë më shumë akoma për Kukësin”,-shkruan Rama.
