PS-ja mbyll fushatën, Rama i shoqëruar nga bashkëshortja. Elvana Gjata: Të votojmë për Shqipërinë Europiane

Partia Socialiste mbyll këtë të premte fushatën elektorale në Qarkun Tiranë dhe mbarë Shqipërinë, me një takim në Parkun Olimpik. Pjesëmmarja në takimin e PS është e jashtëzakonshme dhe ndër më të mëdhat që janë regjistruar gjatë kësaj fushate. Artistja e ftuar në këtë fushatë përmbyllëse është Elvana Gjata, e cila bëri edhe thirrje që të votohet më 11 maj për Shqipërinë Europiane. Vetë Rama u shfaq krah bashkëshortes së tij, Linda Rama. Të dy u panë duke ecur së bashku mes turmës së mbështetësve, ndërsa më pas Linda Rama e ulur u pa edhe me një trëndafil në duar.