Sipas njoftimit të shpërndarë për deputetët, mbledhja do të mbahet në orën 10:00 në Pallatin e Brigadave. Në mesazhin e dërguar bëhet e ditur se axhenda e plotë e takimit do t’u komunikohet pjesëmarrësve në vijim.
“Përshëndetje! Ditën e shtunë, më 20.06.2026, në orën 10:00, në Pallatin e Brigadave, do të zhvillohet Mbledhja Mujore e Zgjeruar e Grupit Parlamentar Socialist. Axhenda e mbledhjes do t’ju dërgohet në vijim”, thuhet në njoftim.
Kjo mbledhje vjen në një moment të rëndësishëm për socialistët, pas nisjes së protestave në Tiranë dhe vendimit të deputetes Marjana Koçeku për të vijuar mandatin si e pavarur.