Partia Socialiste do të mbledhë paraditen e sotme Kryesinë e partisë dhe më pas do të mblidhet grupi parlamentar i PS. Në mbledhje pritet të diskutohet për vendimin e kryeministrit për shkarkimin e Bledi Çuçit dhe emërimin e Taulant Ballës si ministër i Brendshëm.
Nuk dihet ende nëse në takim do të marrë pjesë kryeministri. Kjo pasi ky i fundit ka të planifikuar në axhendë një takim në Vlorë, ndërsa në orët e pasdites do të niset drejt Lituanisë.
Rrahman Rraja ka dorëzuar zyrtarisht dorëheqjen nga mandati i deputetit i PS-së në Kuvendin e Shqipërisë. Në vend të tij, në radhët e socialistëve, pritet të ulet Arkend Balla.