Sekretariati për Emigracionin pranë Partisë Socialiste ka nisur punën në të gjitha bashkitë e vendit, madje rrjeti i koordinatorëve është shtrirë në 300 njësitë administrative të vendit.
Socialistët kanë vendosur të kërkojnë cdo votë për zgjedhjet e 30 qershorit 2019. Ata kanë ngritur strukturat e tyre në Greqi dhe Itali dhe tani po “krehin” plotësisht listat e zgjedhësve, për të gjetur vendndodhjen dhe kontaktet për emigrantët.
Grupi i punës ka krijuar një praktikë mjaft efikase. Ajo nis nga organizatat socialiste, vijon në asambletë e njësive administrative, përpunohet pranë asambleve të bashkisë dhe dërgohet edhe pranë strukturave të PS-së në emigracion.
Këtë gjë socialistët e kanë bërë edhe herë tjetër, por aktualisht ka një angazhim dhe vlerësim më të madh, bënë me dije burime pranë asambleve socialiste.