PS ka sqaruar se nuk do të kërkojë thirrjen e liderit të opozitës Sali Berisha në komisionin hetimor për sistemin TIMS.
Nënkryetari i komisionit hetimor Toni Gogu deklaroi gjatë mbledhjes së këtij komisioni se PS nuk ka kërkuar thirrjen e Berishës në komision.
“Unë e kuptoj që ju do të dëshironit të bëheshit gjyqtar i Sali Berishës. Ky komision nuk e ka në objektin e punës që ta bëjë këtë. Nuk është misioni ynë të nxjerrim nga mjedisi ky kolegët tanë vuajnë dënimet e dhëna nga drejtësia”, deklaroi Toni Gogu.
“Nëse ju keni sherr me njëri-tjetrin ky nuk është problemi. Në procesverbal një kolege e komisionit, Blerina Gjylameti keni propozuar 3 emra për të dhënë llogari në komision. Propozimet tuaja për të thirrur Z. Berisha, Basha apo Z. Bardhi jemi gati t’i plotësojmë”, u shpreh Ervin Salianji.