Me siguri e keni vënë re që kur shkoni në shtëpinë e dikujt e dini edhe aromën që do të ndieni, pasi ju duket sikur është karakteristike vetëm për atë shtëpi. Në fakt aromat vijnë nga detergjentët që përdorni, erërat e gatimit, mjetet e pastrimit dhe freskuesit e dhomës. Këto aroma më pas zënë hapësira si perde, qilima, mbulesa dhe jastëkë. Të kombinuara së bashku, ndërthurja e këtyre aromave krijon aromën tuaj të veçantë të shtëpisë.
Ato që krijon aromën e shtëpisë janë faktorët si kafshët shtëpiake, orenditë, pirja e duhanit, gatimi dhe mënyra si pastroni. Për shembull, një shtëpi me dysheme druri, do të ketë një erë të ndryshme nga një shtëpi me moket, ose me pllaka.
Ndërsa disa shtëpi kanë një aromë më të këndshme se të tjerat, ka disa aroma që do të preferonit t’i shmangnit, si ajo e kafshëve shtëpiake , e lagështisë apo e mykut. Gjithashtu erërat e forta dhe të gjata mund të jenë një shenjë se mund të keni një problem me kondicionerin tuaj.