Teksa kreun e PD, Lulzim Basha e quan lider pa karakter, për Sali Berishën, kryeministri Edi Rama mendon ndryshe. Nga studioja e “Zgjedhje 2021” në “Vizion Plus”, Edi Rama e quajti ish-kryeministrin një lider me karakter të mrapshtë.
“Liderët mund të kenë karakter të mbrapshtë si Sali Berisha, është lider, por me karakter të mbrapshtë.”
I pyetur nga moderatorët Alban Dudushi dhe Pranvera Borakaj se pse nuk bashkëpunon me Berishën, meqë është lider, kreu i socialistëve u përgjigj kështu:
“Faleminderit shumë! Me Saliun, politika është e patejkalueshme. Ndërsa me një forcë si PD, që do të dalë nga zgjedhjet në opozitë, më e pranishme në Kuvend sesa në 2017 sepse prania e LSI në Kuvend do të jetë shumë më e reduktuar, domosodoshmëria për të bashkëpunuar, është një domosodhmëri që vjen nga nevoja e vendit sot, që po del nga një situatë e jashtëzakonshme. Jemi përpara një mundësie të jashtëzakonshme për të transformuar në realitet projekte të jashtëzakonshme. Kërcënimi i vetëm për këto është politika, marrëzia e politikës.”