I ftuar në emisionin “5 pyetjet”, deputeti demokrat Saimir Korreshi tha se opozita nuk i mori frytet e betejës politike për “McGonigal” për shkak të situatës ku ndodhet.
“Tek ne nuk ka ngjitur kjo betejë për shumë motive, por kryesorja bërja sallatë e opozitës. Nëse opozita do të ishte në të tjera dimensione do të kishim të tjera rezultate sot”- tha deputeti.
Më tej duke folur për Gazment Bardhin i cili është denoncuesi i dosjes shqiptare të McGonigal, Korreshi tha se deputeti nuk u kishte treguar detaje mbi hetimin pasi ka firmosur për ruajtjen e sekretit hetimore.
“Ne i jemi drejtuar kolegut për detaje, por na ka thënë kam firmosur dhe nuk mund të them gjë për shkak të sekretit hetimor. Ka firmosur që të mos përhapë atë që prokuroria i ka thënë” tha ai.