Rinia shqiptare prej vitesh ka ikur dhe ikën nga vendi, kështu po ndodh edhe me këtë brez të maturantëve. Ministrja e Arsimit, Evis Kushi deklaroi sot se të rinjtë po largohen nga Shqipëria sepse në vendet perëndimore, ku kërkojnë punë, janë hapur dyert sepse “po u plaket popullsia”.
“Një tendencë me të cilën po përballet i gjithë rajoni ballkanik, një pjesë e të rinjve largohen nga rajoni për studime apo punësim drejt vendeve perëndimore si është Gjermania por jo vetëm. Vende që duke qenë drejt plakjes së popullsisë, e duke pasur nevoja në rritje në tregun e punës kanë hapur dyert për të rinjtë tanë. Veçanërisht për mjekët infermierët, por edhe profesione të tjera të kohës”, tha Evis Kushi.