Loredana Zefi ka qenë e ftuara e radhës në emisionin “NIN” të gazetarit Alaudin Hamiti ku foli për karrierën e saj dhe jetën private.
“Kanë ndodhur gjëra që nuk duhet të ndodhnin”, u shpreh reperja para se të tregonte arsyet e ndarjes me Mozzik.
Ndryshe nga sa është folur se ndarja e çiftit u bë për marketing, Loredana e hedh poshtë këtë, duke thënë se nuk mund të bëjnë reklamë për shkak të vajzës.
“Nuk është për të bërë hajgare, nuk bëjmë makreting për shkak të çikës, as unë as Mozzik s’kemi nevojë që të bëjmë ndarje për tu përfolur. Pse ka ndodh s’mund të të tregoj saktë, por nuk e di. Është shumë e vështirë të tregoj përse, sepse nuk ka ndodhur aq shumë, nuk kemi pasur arsye me u nda, por kemi qenë të dy shumë të stresuar. Shumica mendojnë se është nice të bësh të njëjtën punë, të punosh non stop bashkë, e të kacafytesh, por 80 për qind e kemi kaluar mirë bashkë”, u shpreh Loredana.
Ajo u shpreh se do e respektojë ish partnerin e saj duke u shprehur se vajza i ngjan shumë dhe e ka prej tij. Megjithatë marrëdhëniet e mira mes tyre tha ajo nuk janë vetëm për hir të vajzës, duke lënë kështu të hapur mundësinë e një rikthimi.
“Nuk ka ndodhur diçka që ne mos të flasim me njëri-tjetrin. Ai më respekton, unë e respektoj, kjo ka rëndësi. Nuk e kam mendimin se cfarë do bëjmë për tu rikthyer, çikën e kam para meje. Më pas ndoshta qetësohemi!”, ka thënë reperja.