Parisi i vërtetë është në karantinë, ndërsa një pjesë tjetër e kësaj skuadre zbriti në fushë në ndeshjen hapëse të kampionatit. Parisienët u mposhtën në premierën e kampionatit me rezultatin 1-0 nga Lens në fushën e këtyre të fundit.
Skuadra e drejtuar nga trajneri Tomas Tuhel vuajti këtë sfidë mungesat e shumta të titullarëve si Di Maria, Nejmar, Mbape, Paredes, Kejlor Navas dhe Markinjos. Të gjithë këta futbollistë kanë rezultuar të infektuar me COVID-19 dhe në këtë formë janë të izoluar derisa testi të bëhet negativ.
Kështu, Lens e shfrytëzoi më së miri këtë fakt dhe ia doli të merrte tre pikë, ndërsa golin e fitores e realizoi në minutën e 57 falë edhe ndihmës nga ana e portierit Bulka. Deri në fund, Parisi nuk ia doli të reagonte dhe në këtë formë pësoi disfatë.