Nuk ka prind që nuk e ka gënjyer të pakten njëherë fëmijën e tij, qoftë edhe për gjerat më të vogla si përshembull: “Nëse nuk e ha ushqimin, do ta hajë babai atë”.
Sidoqoftë, sipas ekspertëve një prind nuk duhet të gënjejë fëmijën e tij, përfshirë këtu edhe gënjeshtrat e ‘bardha’ sikurse edhe emocionet negative, pasi kështu fëmijën arrin të bëhet i aftë në zgjidhjen e problemeve në jetë.
Gjithashtu sa më shumë të tregojnë prindërit emocionet e tyre të vërteta përpara fëmijëve të tyre, qoftë të stresuar, të shqetësuar apo të zemëruar për diçka, aq më e fortë bëhet marrëdhënia mes tyre.
Në këtë konkluzion kanë mbërritur kërkuesit e Universiteteve Amerikane të Washington State, Berkley dhe të San Franciskos pas një studimi të gjatë të publikuar në revistën shkencore “Emotion”.
Sipas studimit kur prindërit përpiqen të fshehin emocionet e tyre, cilado qofshin ato, tek fëmijet mbërrin ndjesia e negativitetit. Kjo ndikon në krijimin e një gjendjeje konfuzioni, pikërisht nga dy mesazhe konfliktuale që perceptojnë.
Sipas saj, rruga që duhet zgjedhur është që prindi t’i transmetojë fëmijës konfliktin më mënyrë të shëndetshme, nga fillimi në fund. Kjo sipas kërkuesve, i ndihmon shumë që të mësojnë të kenë një sens rregullator ndaj problemeve sepse në këtë mënyrë kuptojnë që ato mund të zgjidhen dhe situata përmirësohet.