E ftuar në emisionin ‘Dritare me Rudinën”, në News 24 që kishte temë ‘Shqiptarët, seksi dhe nderi’, ishte edhe psikoseksologia, Besarta Taçi. Gjatë fjalës së saj psikologia ka thënë se, të rinjtë rrinë hoteleve të Tiranës, bëjnë seks, konsumojnë droga dhe ushtrojnë aktivitete nga më të rrezikshmet dhe të tmerrshmet.
“Të rinjtë që mbyllen hoteleve të Tiranës, çdo fundjavë praktikojnë ‘cam sex’, një nga aktivitetet më të tmerrshme dhe të rrezikshme. Që është një kokteil drogash, amfetamina, alkool, ilaçe, të cilat kanë vetëm një objektiv; që të zgjasë e gjithë praktika seksuale me partnere të ndryshme. Të cilat edhe paguhen për të kaluar edhe qoftë 24 orë, për 3 ditë të tëra.
Sepse këta meshkuj nuk arrijnë dot të kenë një marrëdhënie emocionale, afektive me vajzat. Atëherë nga njëra anë kemi këtë realitet dhe nga ana tjetër kemi meshkuj të cilët vijnë, trokasin sepse nuk arrijnë dot të kryejnë marrëdhënie. Ata janë akoma të virgjër dhe janë pjesë e statistikave.“,- shprehet psikologia./dritare.net