Pedogogia Iris Luarasi ka folur mbrëmjen e kësaj të enjteje në “Opinion” sa i takon videove erotike që qarkullojnë në rrjetet sociale, të cilat shpesh edhe montohen. Ajo theksoi se tashmë dhuna offline është transferuar në atë online, dhe shumë njerëz për qëllime dashakeqëse publikojnë video duke shkaktuar dëme te pariparueshme te viktimat e këtij fenomeni.
Iris Luarasi: Është dhunë online, absolutisht dhe në ditët e sotme shumica e njerëzve, veçanërisht brezi i ri nuk kanë më shumë jetë reale. Më shumë e kanë jetën online. Imagjino dëmin që i shkaktohet një vajze, një gruaje, një figure publike në momentin që ti i nxjerr një video, bashkë me komentet. Që ti i nxjerr 100 mijë euro në ditë, flitet për qindra mijëra euro sikur po flitet për gogla. Nuk doja ta përqendroja te kjo pjesë se sa tek dëmi që shkaktohet te një personazh, është i pariparueshëm.
-Është një dëm ndaj gjithë shoqërisë.
Iris Luarasi: Patjetër! Veçanërisht është i targetuar ndaj grave dhe vajzave sepse po ta shikosh… Ti kupton që e gjitha dhuna offline në fakt është transportuar online. Ka shumë më tepër dëshmitarë. Dhuna online është shumë më e madhe dhe ka shumë më tepër elemente dramatike se sa një shpullë. Janë dëshmitarë mijëra vetë kështu që dëmi mbi personin është akoma më i madh.
Sipas Luarasit, në të shumtën e rasteve këto shantazhe online kryhen nga ish-partnerët, veçanërisht ndaj grave dhe vajzave.
Iris Luarasi: 40 nocione në botën online që ushtrohen ndaj grave dhe vajzave dhe që përdoren nga njerëz për të shantazhuar, për të prishur imazhin, nga ish-partnerët, nga ish-bashkëshortët. Ky patjetër është një shantazh që i bëhet ish-partnerit, ekzistojnë të dhëna sa të mëdha janë dëmet që i shkaktohen viktimave. Në Shqipëri duhet të nisë kultura e denoncimeve.