Janë bërë publike pamjet ku prokurori Sali Hasa shfaqet në krah të motrës së Emiljan Miranit.
Elsona Papa, me detyrë punonjëse e policisë bashkiake në Sarandë, shihet teksa hyn në zyrën e prokurorit e veshur me uniformën e punës. Pamjet e siguruara nga ‘Faxweb’ tregojnë momentin kur ajo futet në zyrë.
Dyshohet se ajo i ka dhënë para prokurorit Hasa, në mënyrë që të pushonte akuzën e “plagosjes së lehtë me dashje” në ngarkim të vëllait të saj, i cili ishte arrestuar.
Prokurori Sali Hasa akuzohet se ka shpëtuar nga ndjekja penale Miranin, duke i pushuar dosjen, pas ndërhyrjes së motrës së tij, e cila dyshohet se i ka dhënë atij ryshfet.