Shkencëtarët në Hong Kong kanë publikuar një video ku tregojnë se si njerëzit mund të bëjnë maska kundër koronavirusit, në kushte shtëpie.
Profesori Alvin Lai, Dr Joe Fan dhe Dr Iris Li, kanë shpikur një metodë të lehtë dhe të lirë për të bërë maska mbrojtëse në shtëpi.
Shpikja vjen në një kohë kur fabrikat kineze të maskave të fytyrës “luftojnë” për të përballuar kërkesën dhe pasi një burrë u kap duke vjedhur tetë kuti që përmbanin 160 maska fytyre, raporton Daily mail.
Koronavirusi ka vrarë deri tani mbi 1500 njerëz në të gjithë botën dhe ka infektuar rreth 70.000 persona.
Sipas raportimeve, në Hong Kong, hajdutët vodhën kohët e fundit 750 maska me vlerë 3,000 HKD (300 euro) nga një burrë në Sham Shui Po, ndërsa një grua raportoi vjedhjen e 1000 maskave në Tsim Sha Tsui vetëm një orë më vonë.
Në pamjet e publikuara nga spitali shkencëtarët tregojnë se si mund të krijohet një maskë për fytyrën duke përdorur vetëm 10 sende shtëpiake të përditshme.