Prej disa kohësh, ka filluar puna për ndërtimin e aeroportit të Vlorës. Ecurinë e punimeve e ka konfirmuar edhe kryeministri Edi Rama, i cili me anë të një postimi para pak minutash në rrjetet e tij sociale shpërndau pamje nga zona ku do ndërtohet aeroporti.
“Punë e paqme për krijimin e ‘dyshemesë’ së Aeroportit Ndërkombëtar të Vlorës, pjesa më delikate e punës për ndërtimin e aeroporteve ”, shkroi Rama.
Theksojmë se Aeroporti Ndërkombëtar i Vlorës është një projekt 10 km në veri të qytetit të Vlorës në Shqipëri. Ky do të jetë aeroporti i tretë ndërkombëtar në Shqipëri pas Aeroportit Ndërkombëtar të Tiranës dhe Aeroportit Ndërkombëtar të Kukësit. Përveç ndërtimit të aeroportit, projekti përfshin një marinë dhe kantier agroturizmi.