”Punë ka, por të rinjtë preferojnë emigracionin”, Kryebashkiaku i Maliqit Topçiu tregon se sot kjo bashki ka 500 vende të lira pune

Bashkia e Maliqit si i gjithë vendi përballet me fenomenin e largimit të qytetarëve. Edhe pse sipas kryetarit të bashkisë Gëzim Topçiu punë ka. Në emisionin “Vendi Im” Topçiu tregon se fabrika “Fish City” u mbyll sepse nuk gjeti punëtorë. “Sot që flasim në Maliq kemi nevojë për 500 punëtorë. Një fabrikë, që është “Fish City” kërkon 300 gra i kërkon nesër të punojnë rregullitsht me një pagë dinjitoze. Kemi një kompani amerikane e cila kërkon të rinj dhe aty fillohet me një pagë minimale 60 mijë lekë dhe shkohet 100 mijë lekë. Kërkojnë fermerët çdo ditë njerëz për punë, çdo ditë, me paga dinjitoze me 2.500 apo 3.000 lekë në ditë që është dinjitoze. Dmth nuk është se nuk ka punë”, thekson kryebashkiaku Topçiu.