“I bëj thirrje të gjithë votuesve të 14 fshatrave, le të më votojnë se nuk humbasin asgjë. Të më votojnë dhe do të më urojnë dhe do më thonë ‘tu bëftë dita një mijë’. Urimi i keq që u bëj unë atyre votuesve që nuk më votojnë: u daltë kanceri mu në grykë dhe vdekshin të tërë nesër”.
Kjo deklaratë e bëri Hazbi Kasajn viral në vitin 2001, kur garonte si deputet.
Kasaj, është rishfaqur sërish në media pas vendimit për të kandiduar si kryetar për bashkinë e Këlcyrës.
Mirëpo, edhe këtë herë, ai nuk i ka kursyer ‘perlat’. Që te slogani i fushatës i cili është: Puno pak, ha shumë dhe bëj qejf…
Gazetarja e Fax Neës i ka marrë një intervistë kandidatit duke e vënë gjatë gjithë kohës në lojë.
“Nuk i trembem kryetarit aktual Klement Ndoni si rival për Kryetar Bashkie. Është djali i mirë por nuk i udhëheq dot njerëzit. Si Klementi si kandidati i PD-së janë bufa, po të votosh për bufa do bëhesh buf. Edi Ramës nuk i mungon asgjë, ka arritur çdo gjë me zgjuarsi. Njerëzit janë të pakënaqur, kam 7 muaj që mbledh firma,” përfundoi Kasaj.