Ministrja e Mjedisit dhe Turizmit e konsideron të mbarë këtë sezon turistik.
Në një intervistë për “Kjo Javë”, Mirela Kumbaro u ndal edhe te kritikat dhe ankesat për ulje të numrit të pushuesve për shkak të rritjes së çmimeve.
Ajo u shpreh se shpërndarjet në rrjetet sociale nuk janë baza për të bërë një perceptim.
“Deri në këtë pikë që jemi kemi një sezon të mbarë. Analizat përfundimtare do të bëhen në tetor apo nëntor, por shifrat janë shumë të mira deri tani, edhe po t’i referohemi mediave të huaja. Jemi 40 më shumë vizitor të huaj…Komente që bëhen në rrjet pa asnjë sondazh shifër, metodologji apo sistem. Facebook sokaku i madh i muhabeteve dhe unë nuk kam asnjë problem me këtë, unë i quaj muhabete. Unë flas për të dhëna që vijnë nga hotelieret.”
Por, a ka abuzime me çmimet?
“Edhe kjo është pjesë e fenomeni të tregut të lirë, shteti nuk kontrollon çmimet por abuzimet. Kam qenë vetë në terren për të parë dhe verifikuar abuzimet. Ato që janë me emër dhe mbiemer ndiqen nga kontrolli i hetimit.”