Duke iu drejtuar punëtorëve në një fabrikë të aeroplanëve, presidenti rus, Vladimir Putin deklaroi se ekzistenca e Rusisë si shtet varet nga lufta në Ukrainë, ndërsa shtoi se Perëndimi është gati të shkatërrojë Rusinë.
“Pra, për ne nuk është një detyrë gjeopolitike, por detyrë e mbijetesës së shtetësisë ruse, krijimit të kushteve për zhvillimin e ardhshëm të vendit dhe fëmijëve tanë”, theksoi lideri rus.
Ai pretendon se ekonomia ruse është forcuar pas vendosjes së sanksioneve.
“Ne e kemi rritur shumëfish sovranitetin tonë ekonomik. Në fund të fundit, çfarë llogariste armiku ynë? Se ne do të shembim brenda dy deri në tre javë ose në një muaj”, tha ai.