Presidenti i Rusisë, Vladimir Putin u shpreh sot se deri në vitin 2014 as që e mendonte se mund të niste një konflikt mes Rusisë dhe Ukrainës.
Gjatë një fjalimi në Forumin Kulturor të Shën Petersburgut, kreu rus foli edhe për marrëdhëniet e Rusisë me Evropën.
“Nëse dikush vendos të izolohet, atëherë kjo është punë e tij”, komentoi presidenti rus, duke shtuar se Rusia nuk ka asnjë konflikt me shoqërinë evropiane.
Lideri rus theksoi gjithashtu se Rusia po përballet me vështirësi në marrëdhëniet e saj me elitat evropiane, të cilat, siç u shpreh Putin, kanë humbur identitetin e tyre kombëtar dhe janë të varura nga SHBA.