Presidenti Vladimir Putin deklaroi se sistemi i ri hipersonik raketor nuk mund të bllokohet nga mbrojtja amerikane dhe se do të vihet në funksionon në vitin 2019. Raketa më e fundit e prodhimit rus u testua me sukses ditën e mërkurë.
“Rusia është i pari vend në botë që siguron një armë të re strategjike, që do të garantojë sigurinë e shtetit dhe popullit tonë për dekadat që do të vijnë. Kjo është e mrekullueshme, një dhuratë e bukur për vendin këtë Vit të Ri”, tha Putin.
Raketa ka rreze veprimi ndërkontinentale dhe mund të fluturojë me shpejtësi mbi 15 mijë milje në orë.
Raketa gjatë lëvizjes mund të përmirësojë lartësinë dhe drejtimin, që të mund të evitojë mbrojtjen kundërshtare dhe të fluturojë ulët, që të evitojë radarët. “Do të jetë e pathyeshme”, theksoi Putin gjatë fjalimit.