Pensionet dhe pagat minimale në Rusi do të rriten me 10 për qind. Urdhri është lëshuar nga presidenti Vladimir Putin, me qëllim për t’i bërë ballë inflacionit në Moskë.
Paga minimale në Rusi është 13 mijë e 890 rubla ose 250 dollarë, ndërsa pensionet mesatarisht 18 mijë e 500 rubla ose 300 dollarë.
“Ky vit është i vështirë. Inflacioni është rritur me 11 për qind që prej fillimit të tij. Por kur them ‘i vështirë’ nuk do të thotë se të gjitha vështirësitë lidhen me operacionin special ushtarak. Pasi edhe në vendet ku nuk po ndërmerret ndonjë operacion, p.sh. Amerikën e Veriut apo Europë, inflacioni është i krahasueshëm”, deklaroi numri një i Kremlinit.
Rritja e pensioneve do të hyjë në fuqi nga 1 qershori, ndërsa ajo e pagës minimale, nga një 1 korriku.
Megjithatë, analistët parashikojnë se hapat e ndërmarrë nuk do të parandalojnë rënien drastike të të ardhurave.