I etiketuar si “Putini i vogël në Ballkan” për shkak të provokimit të tensioneve në veri të Kosovës dhe jo vetëm, presidenti Aleksandër Vuçiç tha se Serbia nuk ka sulmuar asnjë vend dhe as nuk ka për ta bërë. Nga Davosi i Zvicrës ku ishte pjesë e forumit “Zgjerimi i horizonteve të Europës” ai qartësoi dhe pozicionin mbi Ukrainën, duke thënë se mbështet integritetin territorial të saj. Por nga ana tjetër ju shmang pyetjes nëse Putin është një kriminel lufte.
Vuçiç: Kemi një normë të mirë rritje. Kemi qenë në vendet me rritjen më të madhe në Europë. Çështja është si të vazhdojmë me të njëjtin ritëm rritje. Mund të bëjmë shumë gjëra për shtetin e së drejtës. Nuk ka ëndrra të mëdha, s’jemi aq entuziast sa ishim. As BE s’është aq entuziastë.
Të gjitha shifrat në Ballkan, ka një popullaritet në rënie në raport me BE-në. Është e pritshme. Është pak a shumë e njëjta. Do bëjmë më të mirën. Po mburremi se po marrin reforma të vështira për drejtësinë. Nëse do të jemi pjesë e BE-së, e di që nuk do të ndodhë.
Prej disa kohësh në media është përfolur shumë se Vuçiç është një Putin i vogël në Ballkan, do të nisë luftë kundër vendeve të rajonit, fqinjëve. Me aq sa di, ka nja 1700 artikuj të ndryshëm në mediat botërore. Deri tani nuk kemi sulmuar askënd. Nuk do ndodhë. Është një koment cinik. Nuk ka ndodhur dhe nuk do ndodhë. Ka qenë vetëm një koment brutal, mizor, si gjithmonë.
Kur vjen fjala për Ukrainën, mbështesim integritetin territorial të saj, njësoj si të Serbisë. A është Krimea pjesë e Ukrainës? Nëse na pyesni ne, është pjesë e Ukrainës. Nuk ndryshojmë qëndrim ndaj kësaj. Serbia mbështet dhe respekton çdo rezolutë të OKB-së. Pse disa fuqi të mëdha nuk e respektojnë rezolutën e OKB-së. Po flas për integritetin territorial të Serbisë.
Kur erdhi fjala për të votuar për të dënuar pushtimin që ndodhi në 24 shkurt, ne votuam në favor. E vetmja çështje është kur ju vendosni sanksione. Ne i kemi përjetuar sanksionet për 10 vjet. Nuk do sjellë rezultate të mira. Urrej gjithnjë të bëjë pjesë në klubin e të njerëzve që mendojnë njësoj. Kur flasim për qëndrimet politike, gjithmonë Serbia është krah.
Gazetari: Ju hezitoni për sanksionet. Por a jeni dakord se Putini është një kriminel lufte?
Vuçiç: Nuk më duket e drejtë, duket sikur je bërë gjyqtar.
Gazetari: Unë po bëj pyetje.
Vuçiç: Po del në përfundime. Kur të flasim për afërsinë dhe Vladimir Putinin, nuk them që ai është lunatik siç ka dëgjuar shumë këtu. Ka shumë udhëheqës europianë që kanë shkuar në Moskë dhe e kanë takuar disa herë me Putinin dhe nuk më kanë informuar mua për rezultatet e këtyre bashkëbisedimeve. Hera e fundit kur kam folur me të ka qenë për furnizimin me gaz të Serbisë.
Nuk isha i zhgënjyer, por as i lumtur. Por herën tjetër pres të më informojnë për rezulultatet e bashkëbisedimeve të tyre me Putin sepse ata më thonë mua çfarëdolloj gjëje që bëjmë, edhe kur flasim për pjesën e elementëve të tjera të Rusisë, cila ishte tema?