Modelja e njohur shqiptare që po bën karrierë në Itali, Erjona Sulejmani, nuk është vetëm e komentuar për format e saja fizike por edhe për deklaratat e saja.
Ish-gruaja e futbollistit shqiptar Blerim Xhemaili, gjithmonë është shprehur se është fanse e Interit, kështu që nuk do të mungojë në derbin e së dielës, Inter-Juventus.
Bukuroshja ka zbuluar praninë e saj në “San Siro” gjatë komunikimit me fansat e saj. Ndërsa pyetjes nëse martesa me Xhamailin përfundoi për arsye tradhtie, Erjona iu përgjigj: “Jo, jo, nuk ishte ky motivi”
Dhe atij që ishte kurioz të dinte nëse do të rikthehej në krahët e futbollistit të Bolognas, Erjona shkroi: “Është një pyetje që ma bëni gjithmonë po përgjigjem një herë e mirë për të gjitha. Nuk më pëlqen t’i përsëris gjërat në jetën time dhe aq më pak të besoj te supa që ngrohet disa herë. Ne e respektojmë njëri-tjetrin për rolin që kemi si prindër të Luanit”